Описание
Ушбу Тиббиёт қомусий луғати ўзбек тилида биринчи марта нашр этилмоқда. У 7000 дан ортиқ терминни ўз ичига олади. Унда тиббиёт амалиётида кўп ишлатиладиган тушунчалар билан бир қаторда унга боғлиқ соҳалар: умумий биология, физиология, биокимё, генетика, вирусология, бактериология, иммунология, молекуляр биология ва ҳ.к. га оид терминлар, шунингдек Ўзбекистонда ўсадиган доривор ўсимликлар, улардан олинадиган ҳамда сунъий дори-дармонлар ҳақида ҳам маълумотлар берилган.
Луғатда амалда кенг қўлланиб келинаётган баъзи атамалар (масалан, группа - гуруҳ, нерв - асаб, орган - аъзо, форма - шакл ва б.) нинг иккала шакли ҳам берилди.
Ўқувчиларга қулайлик туғдириш мақсадида китоб охирида қисқача ўзбекча-русча тиббий луғат илова қилинди.
Луғат шифокорлар, тиббиётнинг турли соҳаларида илмий иш олиб бораётганлар, тиббиёт институтларининг талабалари ва шу соҳага қизиқувчи кенг китобхонлар оммасига мўлжалланган.
